Чемпиондар лигасы: «Брюгге» сырт алаңда «Реалмен» тең түсті

Еуропа Чемпиондар лигасының А тобында бельгиялық «Брюгге» «Реалмен» өткен ойында ұпай ұстанды, деп жазады Prosports.kz.

Бірінші таймның 9-минутында күтпеген жерден алға шыққан қонақтар іркіліп қалмай шабуылдай түсті. 39-минутта Деннис гол соғып, дубль авторы атанды.

Екінші таймда жігерленіп шыққан алаң иелері 55-минутта есепті қысқартты. Бенземаның пасынан кейін Серхио Рамос көзге түскен. Сенсацияның шеті шығып тұрғандай көрінген бұл матчта, алайда екінші таймның соңына қарай, Кроостан пас қабылдаған Каземиро есепті теңестірді. Одан екі минут бұрын «Брюгге» футболшысы Рууд Вормер екі «сары қағаз» алуына байланысты алаңнан қуылған болатын. Ойынға бес минут қосылғанымен, есеп өзгере қоймады. Бельгиялықтарға мұның өзі де үлкен ерлік саналады. Екі матчтан кейін екі ұпай жинаған «Брюгге» екінші орында тұрса, мадридтіктер бір ұпаймен соңғы орынға жайғасты