Погба Роналдудан көп жалақы алғысы келеді

Франция құрамасының ойыншысы Поль Погба «Манчестер Юнайтедке» талап қойды.

26 жастағы футболшы жаңа келісімшарт бойынша жылына 34 миллион еуро жалақы алғысы келеді. Бұл Криштиану Роналдудың «Ювентустегі» табысынан көп.

Поль Погба мен оның агенті Мино Райола «Ювентус» пен «Реал» тарапынан қызығушылықты жоққа шығармайды. Осы себепті франциялық футболшы «Манчестер Юнайтедке» өз талаптарын қойған.

Қазір Поль Погба жылына 16,8 миллион еуро жалақы алады. Келісімшартының мерзімі 2021 жылға дейін жарамды.