Көркем гимнастикадан әлем чемпионаты: Қазақстан 15-ші орында тұр

16 қыркүйек күні Әзірбайжан астанасы Бакуде көркем гимнастикадан лицензиялық әлем чемпионаты басталды.

Көпсайыстан іріктеу айналымында қазақстандық Алина Әділханова 35-ші, Адиля Тілекенова 36-шы орын алды.

Әділханова төрт жаттығу қорытындысы бойынша 55.700 ұпай жинаған. Тілекенованың жалпы ұпайы - 55.675.

Көш басында 71.350 ұпай жинаған ресейлік Дина Аверина келеді. Екінші орында израильдік Ашрам Линой (68.400). Үшінші орында тағы бір ресейлік спортшы Арина Аверина (67.750).

Командалық есепте Қазақстан 15-ші орында тұр.