Ұлықбек Асанбаев: «Ұлттық құрамамыздың ойыны ұнады»
![Ұлықбек Асанбаев: «Ұлттық құрамамыздың ойыны ұнады»](https://prosports.kz/upload/news/content/file_1410521455_578659467.jpg?v=28697365)
«Шахтер» футбол клубының спорттық директоры Ұлықбек Асанбаев «PROСПОРТ Қазақстан» тілшісіне берген сұхбатында ұлттық құраманың соңғы ойыны мен қарағандылық клубқа қарыз ақшалары төленіп жатқанын айтты.
- Әкіммен кездестік, ақша бар, бәрі жақсы – деп бастады Ұлықбек Пахритдинұлы. Қазіргі таңда бір жалақы төленіп жатыр, жақында екіншісін береді. Осылайша, ақырындап мәселе шешілуде.
- Ойыншылардың көңіл-күйі қандай?
- Көңіл-күй жақсы, ойыншылар дайындалуда. Бәрі түзелетініне сенімдімін.
- Команда алдында шешуші кезеңге қандай мақсат қойылды?
- Үздік үштікке іліну және Қазақстан кубогын ұту.
- Қазақстан-Латвия ойыны жайлы пікіріңіз?
- Ұлттық құрамамыздың ойыны ұнады. Әлі де уақыт керек. Бұған қоса ауыр топқа түстік: Голландия, Чехия, Турция. Дегенмен жанкүйелер үшін жақсы болды, үздік командалардың кездесулерін өз көздерімен көре алады. Меніңше, Астанада ешкімге жеңіл болмайды.