Кокорин мен Мамаев бостандыққа шықты

Ресейлік футболшылар Александр Кокорин мен Павел Мамаевтың мерзімінен бұрын бостандыққа шықты, деп жазады Prosports.kz.

Бұл туралы ресейлік басылымдар жарыса жазып жатыр.

Тәртіпсіздігі үшін түрмеге түскен қос ойыншы негізі жазаларын 9 қарашаға дейін өтеуі керек болатын. Алайда, олардың шартты түрде мерзімінен бұрын босатуға өтініш беруіне байланысты, екі ай бұрын түрмеден шығып отыр.

Айта кетейік, Александр Кокорин мен Павел Мамаев өткен жылы екі төбелеске қатысқаны үшін түрмеге түскен болатын.