Күрестен әлем чемпионаты: Күстібаев пен Ысқақов ширек финалға өте алмады

Күрес түрлерінен Нұр-Сұлтанда өтіп жатқан әлем чемпионатының 1/8 финалында Ерұлан Ысқақов пен Азамат Күстібаев өнер көрсетті, деп хабарлайды Propsorts.kz сайты.

Ширек финалға жолдама алатын сайыста Ысқақов грузин Георги Мелиамен, ал Күстібаев кубалық Даниэль Грегорич Эчаварриямен бақ сынасты.

Екі балуанымыз да қарсыластарынан басым түсе алмады. Егер Мелиа мен Эчаваррия финалға өте алмаса, қазақстандық балуандар жарыс жолын аяқтайды.

Бұған дейін, Мейіржан Шермаханбет бірінші айналымда америкалық Эллис Коллиманнан 2:10 есебімен ұтылғанын жазған болатынбыз.