Абзал Ажғалиев Ресей кубогында топ жарды

Коломна қаласында шорт-тректен Ресей Федерациясының ашық кубогы өтіп жатыр.

Бүгін айдынға шыққан қазақстандықтар екі медаль жеңіп алды.

500 метрге жарысқан спортшылар арасынан Қазақстан командасының үздігі Абзал Әжіғалиев топ жарды. Тағы бір қазақстандық спортшы Денис Никиша күміс жүлдегер атанды. Үшінші орын ресейлік спортшыға бұйырған.

Айта кетелік, Ресейдегі Кубок додасына Қазақстан, Латвия, Нидерланд, АҚШ және Ресей спортшылары қатысуда.