«Ювентус» шабуылшысы АҚШ чемпионатына кетеді

Туриндік «Ювентустың» футболшысы мансабын MLS чемпионатында жалғастыруы мүмкін.

Атақты журналист Джанлука ди Марционың мәліметіне сүйенсек, хорват футболшысы «Лос Анджелес» командасымен келісімшарт жасап қойған екен.

Қазіргі уақытта АҚШ-та трансферлік терезе жабық. Манджукич жаңа командасымен қысқа дейін бірге жаттыға алады.

Айта кетейік, «Ювентус» Чемпиондар лигасына қатысатын футболшылар тізіміне Марио Манджукичті енгізбеген еді.