Конфедерациялар кубогының жеребесі тартылды
Қазақстанның және әлемнің спорт жаңалықтарына жазылыңызҚазақстанда дәстүрлі турнирге айналған Конфедерациялар кубогының жеребесі тартылды, деп жазады Prosports.kz.
Іріктеу жарыстары 5-27 қазан аралығында Орал, Қарағанды, Қостанай және Ақтөбе қалаларында өтеді.
Жеребе қорытындысы мынадай:
А тобы: Алматы қаласы, Ақтөбе, Ақмола, Атырау, Павлодар облыстары;
В тобы: Қостанай облысы, СҚО, ШҚО, Жамбыл облысы;
С тобы: Қарағанды, Түркістан облыстары, Нұр-Сұлтан, Шымкент қалалары;
D тобы: Қызылорда, Маңғыстау, Алматы және Батыс Қазақстан облыстары.
Айта кетелік, Конфедерациялар кубогының жартылай финалы мен финалдық кездесулері 7-8 желтоқсан күндері Алматыдағы балуан Шолақ атындағы спорт сарайында өтеді.
Еске сала кетейік, қомақты жүлде қоры 1-3 орын алған командалар арасында бөлінеді. Аталмыш дода бағдарламасына бокс, дзюдо, грек-рим және еркін күрес, таэквондо мен қазақ күресі кіретін болса, биылдан бастап каратэ-до ойындар күнтізбесіне енгізілді