«Вуэльта»: Якуб Фульсанг 16-кезеңде топ жарды

«Астана» командасының велошабандозы Якуб Фульсанг «Вуэльтаның» 16-кезеңінде топ жарды, деп хабарлайды Prosports.kz.

Велошабандоздар 144,4 шақырымды еңсерді. Фульсанг Тео Гэйган (Team Ineos) мен өзінің командаласы Луис Леон Санчесті артта қалдырып, мәре сызығын бірінші болып қиды.

Жалпы есепте Примож Роглич (Team Jumbo-Visma) бірінші, Алехандро Вальверде (Movistar) екінші келеді. Үздік үштікті Тадей Почагар (UAE-Team Emirates) қорытындылап тұр.

Мигель Анхель Лопес («Астана») жалпы есепте төртінші келеді.