Хабиб: Журналистерден әбден шаршадым

Дағыстандық Хабиб Нурмагомедов журналистердің шаршатқанын айтып, реніш білдірді, деп жазады Prosports.kz.

«Жекпе-жек алдындағы медиа күні камералар өте көп болды. Олар адамды шаршатып, бар энергияны алып қояды. Сіздер үш ай болды жаттанды сұрақтарды қоя бересіздер. «Қарсылас туралы не айтасыз», «өзіңізді қалай сезінесіз» деген сарындағы сауалдар жалықтырды, әкем туралы міндетті түрде сұрайды», деді Нурмагомедов.

Еске сала кетейік, 7-қыркүйек күні Хабиб Нурмагомедов пен Дастин Порье Абу-Дабиде жекпе-жек өткізеді.