«Қайрат» жолдастық кездесуде «Рубинді» қапы қалдырды

Алматылық «Қайрат» ресейлік «Рубин» клубына қарсы өткен жолдастық кездесуде жеңіске жетті.

Сырт алаңда ойнағанына қарамастан алматылықтар қарсыластарынан кем түспеді. Тіпті есепті алғаш болып ашты. Ойының 56-шы минутында Заурбек Плиев тамаша соққысымен көзге түсті. Оның тепкен добы бағанаға тиіп барып, қақпа торында тулап жатты. Бес минут өтер-өтпестен кейін «Рубин» футболышлары таразы басын теңестірді. Георгиевтің пасын Тарас Бурлак сәтті пайдаланып кетті. Алайда алаң иелерінің қуанышы ұзаққа созылмады. 69-ші минутта Михаил Бакаевтың жасаған жойқын соққысын «Рубин» қақпашысы қайтара алмады. 

Жолдастық кездесу

«Рубин» – «Қайрат» – 1:2 (0:0, 1:2)

Голдар: 56’ Заурбек Плиев (0:1), 62’ Тарас Бурлак (1:1), 69’ Михаил Бакаев (1:2)

«Рубин»: Фильцов, Камболов, Бурлак, Гетигежев, Сафеев, Георгиев, Карлос Эдуардо, Ливайя, Дядюн, Девич, Портнягин.

Қосалқы құрам: Малолетков, Давлатов, Кибардин, Зайцев, Куклев.

«Қайрат»: Хомич, Плиев, Кислицын, Маркович, Бакаев, Қуат, Барбоса, Советов, Байтана, Ортега, Ли.

Қосалқы құрам: Ткачук, Рудосельский, Таипов, Оразаев, Гоу, Балтабаев, Райымбек.

6 қыркүйек 2014 жыл. Қазан қаласы. Орталық стадион