Кебісбаев әлем біріншілігінде 63 келіде белдеседі

Грек-рим күресінен әлем чемпионаттарының үш дүркін жүлдегері, Азияның екі мәрте жеңімпазы Алмат Кебісбаев Нұр-Сұлтанда өтетін әлем чемпионатында басқа салмақта белдеседі, деп жазады Prosports.kz.

Алмат боз кілемде өзінің үйреншікті 67 келі салмақ дәрежесінде емес, 63 келіде күресетін болды. Демек, бапкерлердің бір білгені бар. Алмат 63 келінің қандай сынама болмасын, бір жүлдесін ел құрамасының қоржынына салуы тиіс.

Еске сала кетейік, 14-22 қыркүйек аралығында Нұр-Сұлтанда Грек-рим, еркін және әйелдер күресінен әлем чемпионаты өтеді. Аталмыш әлем біріншілігінде Токио олимпиадасына іріктеу басталады.