БАҚ өкілдері арасында ҚР Президентінің жүлдесі үшін шағын футболдан республикалық турнир өтеді
Қазақстанның және әлемнің спорт жаңалықтарына жазылыңыз2019 жылдың 30 тамызында ҚР Конституция күніне орай тұңғыш рет БАҚ өкілдері арасында Қазақстан Республикасы Президентінің жүлдесі үшін шағын футболдан республикалық турнир өтеді.
Турнирдің мақсаты – БАҚ қызметкерлері арасында салауатты өмір салтын насихаттау, әріптестік және достық қарым-қатынасты нығайту.
Жарысты ұйымдастырушы: ҚР Президентінің Баспасөз қызметі
Жарыстың өтетін орны: Нұр-Сұлтан қаласы, «Астана-Арена» стадионы;
Жарыстың жалпы ережесі:
- Жарыс 2019 жылдың 30 тамызында, «Астана-Арена» стадионында өтеді.
- Турнирге еліміздің БАҚ өкілдерінен құралған шығармашылық топ командалары қатыса алады.
- Турнирге барлығы 32 команда қатыса алады, өтініштерді қабылдау мерзімі 2019 жылдың 27 тамызына дейін.
Басқа да сұрақтарыңыз болса, Әзиз Жұмадұлге хабарласып, білулеріңізге болады (+7 777 734 88 10, [email protected]).