Рибери алдағы маусымды «Фиорентина» сапында өткізеді

Франциялық футболшы Франк Рибери бүгін италиялық «Фиорентина» командасының сапына қосылды.

36 жастағы футболшы бүгін медициналық тексерістен өту үшін Италияға келіп, артынша келісімшартқа қол қойған. Рибери «Фиорентинаға» еркін агент ретінде қосылды. Енді ол алдағы бір маусымды Италия чемпионатында өткізеді. Тәжірибелі футболшы жаңа командасында 4миллион еуро жалақы алады.

Естеріңізге сала кетейік, Рибери осы жазда 12 жыл өнер көрсеткен «Бавариядан» кеткен болатын.