Бүгін Головкин мен Деревянченко жекпе-жектің келісімшартын қол қояды

Қазақстандық кәсіпқой боксшы Геннадий Головкин мен украиналық Сергей Деревянченко жекпе-жек өткізу туралы шешімге келді.

Жекпе-жек 5 қазан күні Нью-Йорк қаласындағы Madison Square Garden кешенінде өтеді. Бұл жолы Геннадий Головкин украиналық Сергей Деревянченкомен (13-1, 10 КО) қолғап түйістіреді. Бәске орта салмақтағы IBF белбеуі тігіледі.

ESPN инсайдері Дэн Рафаэльдің айтуынша, қос тарап бүгін жекпе-жектің келісімшартына қол қояды, ал осы бейсенбі күні екі боксшы алғашқы баспасөз мәслихатын өткізеді.

Бұған дейін Халықаралық бокс федерациясы (IBF) Головкин мен Деревянченкоға жекпе-жек өткізуге рұқсат еткен болатын. Мексикалық боксшы Сауль Альварес (52-1-2, 35 КО) Сергей Деревянченкомен жекпе-жек өткізуге келісе алмағаннан соң 1 тамыз күні IBF белбеуін босатты.