Твумаси түркиялық клубқа ауысты
«Астананың» бұрынғы шабуылшысы Патрик Твумаси алдағы маусымда «Депортиво Алавес» сапында өнер көрсетпейді, деп жазады Рrosports.kz.
Ганалық ойыншы Түркияның «Газиантеп» командасына ауысты. Келісімшарт бір жылға жасалған.
«Астананың» бұрынғы ойыншысы өткен маусымда «Алавес» сапында 14 матчта қатысты. Бірақ, көбінесе қосалқы құрамнан алаңнан шықты.
Еске сала кетейік, Патрик Твумаси «Астана» сапында 2013 жылдан 2018 жылға дейін өнер көрсетті. Қазақстандық клуб сапында 171 матч өткізіп, 69 гол соғып, 27 нәтижелі пас берді.
