US Open-2014. Джокович ширекфиналға жолдама алды

Неміс Кольшрайбер әлемнің бірінші ракеткасына қарсы ештеңе істей алмады.

27 жастағы Новак Джокович Филипп Кольшрайберге бір сет те бермеді. Қорытынды нәтиже – 6:1, 7:5, 6:4. Аталмыш теннисшілер арасындағы алтыншы кездесу 2 сағат, 5 минутқа созылды, алда серб – 5:1.

АҚШ Ашық чемпионатының ширекфиналында Новак француз Жо-Вильфред Тсонганы үш сетте жеңген британиялық Энди Марреймен кездеседі.