УЕФА маусымның үздігіне үміткер футболшылардың тізімін жасады
Қазақстанның және әлемнің спорт жаңалықтарына жазылыңызУЕФА баспасөз қызметі өткен маусымдағы Еуропаның үздік ойыншысы атағына үміткер үш футболшыны атады, деп хабарлайды Prosports.kz.
Олар:
«Барселона» шабуылшысы Лионель Месси. Өткен маусымда 10-шы рет Испания чемпионатын жеңіп алды, Чемпиондар лигасында 12 гол соғып, турнирдің үздік сұрмергені атанды;
«Ювентустың» шабуылшысы Криштиану Роналду. Ол Португалия құрамасымен Ұлттар лигасында топ жарды. Италия чемпионы атанды;
«Ливерпуль» қорғаушысы Верджил ван Дейк. Голландиялық қорғаушы «Ливерпуль» клубының құрамында Чемпиондар лигасы кубогын жеңіп алды.
Жеңімпаздың есімі 29 тамыз күні белгілі болады.