«Астанадан» кеткен Твумаси тағы клуб ауыстырады

«Астанадан» испаниялық «Алавеске» ауысқан Патрик Твумаси жаңа командасынан тұрақты орын таба алмады.

Түрік басылымдарына сенсек, ганалық футболшы жақын күндері жергілікті «Газиантеп» командасына ауысады. Қос клубтың арасындағы келіссөздер нәтижелі аяқталуға жақын.

Айта кетейік, Патрик Твумаси «Астана» сапында 2014-2018 жылдар аралағында өнер көрсеткен еді. Шабуылшы 112 матчта 42 мәрте мергендік танытты. Былтыр жазда «Алавес» қатарын толықтырып, елордалық клубтың қазынасын 3 миллион еуро байытқан болатын.