Польшадағы жарыста балуан қыздарымыз екі күміс медаль иеленді
Польшаның Варшава қаласында күрес түрлерінен халықаралық турнир жалғасуда. Бүгін кілемге шыққан Қазақстан әйелдер командасының өкілдері екі медаль жеңіп алды.
50 келіде белдескен Валентина Исламова финалда сүрініп, күміс жүлдегер атанды.
Екінші күміс медальды 59 келіде күрескен Мадина Бақбергенова иеленді.
76 келідегі Эльмира Сыздықова мен Гүлмарал Еркебаева қола жүлдеге таласады.
