Қазақстан жеңіл атлеттеріне шетелдік маман дәріс береді

1 тамыздан бастап Ыстықкөлде (Қырғызстан) қазақстандық жеңіл атлеттердің оқу-жаттығу жиыны басталды. ОЖЖ аясында спортшылар үшін консультациялық жұмысты голландиялық жаттықтырушы Хенк Краайенхоф жүзеге асырады, деп хабарлайды Prosports.kz ҚР ҰОК ресми сайтына сілтеме жасап.

Еуропалық маман Omegawave деп аталатын жаттығу процесін ұйымдастыруда өзінің заманауи авторлық әдістемесін көрсететін дәрістер мен практикалық сабақтар өткізеді. Хенк Каайенхоф-әлем, Еуропа чемпиондары, Олимпиада ойындарының жүлдегерлері арасында топ-деңгейдегі әртүрлі спортшыларды дайындаған жаттықтырушы. Команда құрамы: Ольга Сафронова, Элина Михина, Светлана Голендова, Рима Кашафутдинова, Андрей Соколов, Адина Максутова және Тимур Құдайбергенов. Жаттығу процесі ұлттық құрама команданың бас жаттықтырушысы, сондай-ақ спорт директорының басшылығымен өтеді.