Еркін күресшілеріміз әлем чемпионатында екі медаль иеленді

Болгарияның София қаласында күрес түрлерінен кадеттер арасындағы әлем чемпионаты өтіп жатыр, деп хабарлайды Prosports.kz сайты ҚР ҰОК ресми сайтына сілтеме жасап.

Қазақстандық еркін күрес шеберлері екі мәрте тұғырға көтерілді.

51 келіде белдескен Жахонгир Ахмаджанов күміс жүлдегер атанды. Ол финалда ресейлік Магомед-Тагир Ханиевтен ұтылған.

Ал 92 келіде күрескен Бекзат Тәжі әлемдік сынның қола жүлдесін жеңіп алды.