«Астана» мен «Ақтөбенің» матчтарын қазақстандық арналар тікелей эфирден көрсетеді

Қазақстандық көрермендер Еуропа лигасындағы «Астана» мен «Ақтөбенің» матчтарын тікелей эфирден көре алады, деп хабарлайды KAZsport телеарнасының ресми сайты.

«Вильярреал» мен «Астана» арасындағы кездесу бүгін елордалық уақыт бойынша 00:45-те басталады. Бірінші матчта Станимир Стойлов шәкірттері 0:3 есебімен тас-талқан боп жеңілген болатын. Бұл жұпта кімнің жеңімпаз екені анықталса да, «Астананың» көтеріңкі баспен кетуге мүмкіндігі бар.

«Легия» - «Ақтөбе» кездесуі 15 минуттан соң басталады. Бірінші ойында польшалықтар 1:0 есебімен жеңіске жеткен еді. Сол кездесуден кейінгі жағдай ақтөбелік жанкүйерлердің ғана емес, Польшадан келген қонақтардың да есінде ұзақ уақыт қалатыны анық.