Таеквондошыларымыз Азия чемпионатында жеті медаль ұтты

Иорданияның Амман қаласында таеквондодан жасөспірімдер мен кадеттер арасындағы Азия чемпионаты жалғасуда. Екінші жарыс күнінде кадеттер жеті медаль жеңіп алды деп жазады Olympic.kz.

Қазақстандықтар екі күміс және бес қола жүлдеге қол жеткізген. Айдана Сүндетбай мен Тамир Қуатова финалда есе жіберіп, күміс жүлдегер атанды.

Ал Мария Севостьянова, Назым Махмұтова, Темірлан Тілеулес, Бекарыс Бекенов және Тұрсын Ислам үздік үштікке еніп, қола медаль иеленді.