Санчес: Головкинге 37 жасында өзгеру қиын
Абель Санчес GGG-дің жаңа бапкері алдында үлкен міндет тұрғанын айтты.
Головкин мен Санчес 2019 жылдың көктемінде серіктестікті тоқтатқан. 36 жастағы Джонатон Бэнкс Геннадийдің жаңа бапкері болды. Ол Владимир Кличкомен жұмыс істеген.
«Егер Джонатон Бэнкс оны өзгертуді қаласа, оған уақыт керек. Сауль Альвареспен үшінші айқасты кейінге шегеру өздеріне жақсы болады, себебі Джонатон өзінің айқас жүргізу әдісін жүзеге асыра алады. Бірақ, Головкинге 37 жасында өзгеру қиынға соғады», - деді Санчес Fighthype.com сайтына берген сұхбатында.
