ҚХЛ-да 51 матч өткізген хоккейші «Алматыға» ауысты

Бүгін шабуылшы Нұрсұлтан Белгібаев «Алматымен» келісімшартқа отырды, деп хабарлайды Prosports.kz сайты.

Өткен маусымда 27 жастағы хоккейші өскемендік «Алтай-Торпедода» өнер көрсеткен еді. Қазақстан тұрақты чемпионатында 49 матч өткізіп, 30 (15+15) ұпай жинаған. Сондай-ақ, плэй-офф төрт матч өткізген.

Бұған дейін форвард «Барыс» сапында ҚХЛ-да 51 матч өткізіп, 6 (2+4) ұпайды қанжығасына жазған.