Витаутас Андрюшкявичюс: Әр ұпайдың маңызы жоғары 

Қазақстан чемпионатының дебютанты «Ордабасыға» қарсы өткен ойын туралы пікір білдірді, деп хабарлайды Prosports.kz тілшісі клубтың баспасөз қызметіне сілтеме жасап.

- Өте жақсы ұжыммен тең дәрежеде ойнадық. Сырт алаңда ойын өткізген соң әр ұпайдың маңызы жоғары. Сондықтан да бір ұпайға ризамыз.

Бізде анау айтарлықтай көп мүмкіндік болмады. Тиісінше, қорғаныста жүйелі қимылдауға тырыстық. Бір бірімізге көмектесе білдік.

- Бірінші кездесуден әсерің қандай?

- Мен өзімді сынай алмаймын. Тек өз қателіктерімді саралап, жұмысымды жалғастыра беремін. Бұл – жаңа чемпионат, сондықтан әр ойынның берері мол.