«Алматы» ХК жаңа бас бапкер тағайындалды

«Алматы» хоккей клубының бас бапкері болып Владимир Капуловский тағайындалды, деп хабарлайды Prosports.kz сайты Shaiba.kz порталына сілтеме жасап.

Капуловский бұрын «Арлан» клубын басқарған. Оның жетекшілігімен көкшетаулық клуб тұңғыш рет Қазақстан чемпионаты мен Құрлықаралық Кубокты жеңіп алған.

59 жастағы маман «Авангард» (Омск), «Лев» (Попрад), «Спартак» (Мәскеу), «Динамо» (Минск), «Атлант» (Мытищи) клубтарында жұмыс жасаған.