Қазақстандық футболшының нәтижелі пасы беларусьтік клубтың жеңіске жетуіне көмектесті
Қазақстанның және әлемнің спорт жаңалықтарына жазылыңызҚазақстандық жас футболшылар Владислав Васильев пен Жахонгир Ходжамов өнер көрсететін минскілік «Энергетик-БГУ» Беларусь чемпионатының 15-турында «Днипроны» жеңді, деп хабарлайды Prosports.kz сайты.
Матч 4:3 есебімен аяқталды. Васильев алаңға бірінші минуттан шықса, Ходжамов қосалқы құрамда қалды.
Владислав Васильев 24-минутта нәтижелі пас берді. Бұл оның осы маусымдағы жетінші ассисті.
Осы жеңістен соң «Энергетик» чемпионатта 11-орында келе жатыр.
Естеріңізге салсақ, Васильев жақын арада Беларусь чемпионатының көшбасшысы бресттік «Динамомен» келісімшартқа отырып, кейін «Энергетикке» жалға берілетіні хабарланған.