«Ақтөбе» қазақстандық шабуылшымен келісімшартқа отырды

Қазақстандық шабуылшы Алексей Анциферов «Ақтөбемен» келісімшартқа отырды, деп хабарлайды Prosports.kz.

28 жастағы хоккейші Новосибирск мектебінің түлегі. 2012 жылдан бастап Қазақстанда ойнайды. «Снежные Барсы», «Барыс», «Номад» және «Бейбарс» клубтарында өнер көрсеткен.

Қазақстан құрамасының сапында 2015 және 2017 жылғы қысқы Универсиаданың күміс жүлдегері атанды.

Айта кетейік, өткен маусымда Алексей көкшетаулық «Арлан» құрамында 23 ойынға қатысып 5 (1+4) ұпай жинаған болатын.