Волейболдан Азия кубогы. Қазақстан Жапониядан басым түсті

Андрей Патраков шәкіреттері құрлық кубогы жолындағы жарысты сәтсіз бастаған. Алдымен Үндістанға есе жіберіп, сосын кәрістерден де ойсырай ұтылды.

Айта кетейік, Алматыдағы жарыстың чемпиондарына екі бірдей бас жүлде тапсырылады. Командалар Қазақстан Президенті кубогын да сарапқа салуда. Патраков ақылын шәкірттері енді ұққан секілді. Қазақстан Жапониямен жақсы ойнап, қарсыластарын 3:0 есебімен ұтты. Енді олар Қытай жігіттерімен кездеседі.