Азия чемпионаты: Балуандарымыз үш медаль алды

Бүгін, 5 шілде күні елордада өтіп жатқан күрес түрлерінен кадеттер арасындағы Азия чемпионатының екінші жарыс күні аяқталды, деп жазады Prosports.kz.

Алғаш болып боз кілемге грек-рим күресінің шеберлері бақ сынауда

80 келі салмақта Мақсат Сайлау қырғызстандық қарсыласын жеңіп, Азия чемпионы атанды.

65 келідегі Дінмұхаммед Қошқаров финалда ирандық Резе Хожатқа есе жіберіп, күміс еншіледі.

Ал қыздар арасында сынға түскен Алтын Шағаева финалд жапондық Мако Унодан ұтылып, күмісті қанағат тұтты.

Айта кетейік, Азия құрлығының 19 мемлекетінен 308 спортшы бақ сынап жатқан турнир 7 шілде күні аяқталады.