Скайдайверлер Көктөбені бағындырды
Қазақстанның және әлемнің спорт жаңалықтарына жазылыңызӘуе акробатикасы бойынша ең танымал Red Bull Skydive Team командасы ел-жұртты тағы таңғалдырды.
Команда Қазақстанға алғаш рет 2017 жылы келген. Ол кезде атлеттер Нұр-Сұлтанда бэйс-джамп орындаған. Бұл жолы Марко Вальтеншпиль, Марко Фюрст және Даниэль Дэ Ла Бланка Көктөбе телемұнарасынан құлдилай секірді.
Жобаны дайындау, шамамен, бір жарым айға созылды.
«Біз Нұр-Сұлтанда бірнеше жыл бұрын болғанбыз, сол кезде әуе спорты үшін елдің жоғары әлеуетін байқадық. Қазақстанға оралу шешімі қабылданған болатын және келесі қала ретінде Алматыны таңдадық»,- деді Марко Вальтеншпиль.
«Мен Қазақстанда осындай биік таулар мен көлдер бар екенін білмедім! Келешекте қайта оралуды жоспарлап отырмыз», - деді Марко Фюрст.
Вингсьют - әуе акробатикасына арналған кәсіби костюм. Ал Вингсьют-ұшу Халықаралық авиация федерациясымен (FAI) 2015 жылы әуе спортының түрі деп танылды.