«Астана» отандық ойыншымен келісімшарт мерзімін ұзартты
Қазақстанның және әлемнің спорт жаңалықтарына жазылыңыз
«Астана» баскетбол клубы шабуылшы Максим Марчукпен еңбек келісімшартын тағы екі маусымға ұзартты, деп хабарлайды Prosports.kz.
Максим Марчук 1994 жылы 17 қаңтарда Алматы қаласында дүниеге келді. Мансабын 2010 жылы алматылық ЦСКА сапында бастады. Келесі маусымда ол «Алматы» баскетбол клубының сапында Ұлттық лигада өнер көрсетті. Ал 2012 жылы Президенттік «Астана» баскетбол клубынан шақырту алды.
Содан бері елордалық клуб сапында нәтижелі ойын көрсетіп жүр. Әрі Қазақстан құрамасына шақырту алып, әлем кубогының квалификациялық кезеңінде 10 матч өткізді.
