Марин Томасов «Астана» сапындағы 30-голын соқты 

«Астана» командасының «Ордабасы» қақпасына соққан екі голының бірін Марин Томасов өз еншісіне жазды.

Хорватиялық жартылай қорғаушы осы голдың арқасында чемпионаттағы үздік сұрмергендердің үштігіне еніп, әрі бұл гол елорда командасы жейдесіндегі 30-шы голы ретінде тіркелді.

Томасов Қазақстан чемпионаты аясында 24 гол, еурокубоктерде 4, Қазақстан Суперкубогында 2 гол соқты.

Марин осы соққан голының арқасында клуб тарихындағы үздік сұрмергендердің бестігіне енді. Томасовтан көп гол соққан төрт ойыншы ғана бар. Олар: Патрик Твумаси (69), Таңат Нөсербаев (54), Жуниор Кабананга (42) және Фокси Кетевоама (34).