Путинцева ТОП-40 теннисші қатарына кірді
Қазақстанның бірінші ракеткасы Юлия Путинцева үздік 40 теннисшінің қатарына қайта енді.
Бүгін жаңартылған WTA рейтингісінде Путинцева 43-тен 39-орынға көтерілді. Зарина Дияс бұрынғы 89-орнында қалса, тағы бір қазақстандық Елена Рыбакина 113-тен 111-ге жоғарылады. Бүгін сондай-ақ рейтинг көшбасшысы өзгерді. Кеше Бирмингем (Ұлыбритания) турнирінің жеңімпазы атанған аустралиялық Эшли Барти жапониялық Наоми Осаканы басып озып, 1-ракетка атанды.
