Каратэшілеріміз Монреальдағы рейтингілік турнирдің финалына өтті

Канаданың Монреаль қаласында каратеден А сериясы аясындағы рейтингілік турнир өтуде, деп хабарлайды Prosports.kz сайты.

Қазақстан сапынан екі спортшы финалда бақ сынайды. 60 келідегі Дархан Асаділов пен 55 келідегі Сабина Захарова турнирдің алтын жүлдесі үшін таласады.

Сондай-ақ, бес спортшымыз қола медаль үшін өтетін кездесулерге қатысады. Атап айтар болсақ, Еркінбек Байтөреев (60 келі), Дидар Әмірәлі (67 келі), Софья Берульцева (+68 келі), Ермек Айназаров (75 келі), Игорь Чехмарев (84 келі) үздік үштікке ену үшін татамиге шығады.