Салах «Реал» мен «Ювентустің» ұсынысынан бас тартты

«Ливерпуль» клубының басшылығы Мохамед Салахты 170 млн еуроға сатпайтын болды, деп хабарлайды Prosports.kz сайты.

Англиялық БАҚ өкілдерінің мәліметінше, Салах үшін «Реал Мадрид» пен «Ювентус» клубтары «Ливерпульге» 170 млн еуро ұсынған.

Египет ойыншысы екі ұсыныстан да бас тартып, англиялық клуб сапында қалатынын жеткізді.

Салахтың мерсисайдтықтармен келісімшарты 2023 жылы аяқталады.

Transfermarkt сайты шабуылшының нарықтағы бағасын 150 млн еуроға бағалаған.

Айта кетейік, Салах биылғы маусымда 27 гол соғып, 13 нәтижелі пас берген.