Боксшыларымыз Венгриядағы турнирден жеті алтын алды

15 маусым күні Венгрияда бокстан Gergely Bornemissza атындағы халықаралық турнир аяқталды, деп хабарлайды Prosports.kz сайты.

Жастар арасындағы бәсекеден қазақстандық боксшылар жалпы есебі 14 медаль жеңіп алды. Біздің спортшылар 7 алтын, 5 күміс және 2 қола медаль иеленді.

Жарысқа Венгрия, Германия, Хорватия, Тайланд, Канада және тағы да басқа 22 елден 300-ге жуық боксшы қатысты.