Зарина Диас топ-50 үздік теннисшілер қатарына енді

20 жастағы қазақстандық теннисші спорттық мәнсабында алғаш рет WTA рейтингісінде осынша жоғары орынға көтеріледі.

Цинциннатидегі «Мастерстің» арқасында Зарина рейтингіде жоғарылады. Естеріңізге салсақ, Диас екі матчтан тұратын іріктеу кезеңінен өтіп, 30 ұпай жинады. Кейін негізгі кезеңнің екінші айналымына шығып, 60 ұпай еншіледі. Осылайша, бұған дейін 1007 ұпай жинаған Зарина оған тағы 90 қосты. Ал бұл – осы дүйсенбіде шығатын WTA-ның жаңарған рейтингісінде Зарина әлемнің топ-50 үздік теннисшілері қатарына қосылады деген сөз.