Вермален: «Барселонада» ойнау – көп футболшының арманы»

«Барселонаның» жаңа ойыншысы Томас Вермален каталондық клубта болатын қысымды көтере алатынын айтты.

Сенбі күні «Барселона» Вермаленнің «Арсеналдан» ауысқанын хабарлады. Бельгиялық қорғаушы үшін каталондықтар 15 миллион фунт берген.

«Барселонада» ойнау – көп футболшының арманы. Әлемнің үздік футболшыларымен бір клубта ойнау – мен үшін үлкен құрмет. Солармен жаттығу жасау арқылы өз ойынымды жақсарта аламын. Маған қандай да бір қысым түседі деп ойламаймын. Мен «Арсеналда» өнер көрсеттім, сондықтан ештеңе өзгере қоймас», - деді Вермален «Барселонаның» ресми сайтына.

Өткен маусымда Томас «Арсенал» сапында 14 матчқа қатысып, бір нәтижелі пас берді.