«ПСЖ» – Франция Суперкубогының иегері
![«ПСЖ» – Франция Суперкубогының иегері](https://prosports.kz/upload/news/content/file_1407053029_733728593.jpg?v=28697373)
2 тамызда «ПСЖ» мен «Генгам» арасында Франция Суперкубогы сарапқа салынды.
Ел чемпионы мен Франция кубогы иегерінің кездесуінде париждіктер қарсыласына екі жауапсыз гол соқты.
Қос допты да Златан Ибрагимович салды. Швед алдымен 9-минутта есеп ашса, 20-минутта пенальтиден дубль жасады. 31-минутта «Генгамның» есеп айырмасын қысқартатын мүмкіндігі болды, алайда Мустафа Ятабаре пенальтиді сәтті орындай алмады.
Осылайша, «ПСЖ» тарихында төртінші рет Франция Суперкубогын (1995, 1998, 2013, 2014 жылдары) иеленді.