Галина Воскобоева шеберлік сабағын өткізді

Жұптық сында төрт халықаралық турнирде жеңіске жеткен ұлттық құрама мүшесі  Галина Воскобоева, жеткіншектерге шеберлік сабағын өткізуде, деп хабарлайды Хабар арнасы.

Теннис қалағын енді ұстаған жасөспірімдер үшін мұндай іс-шараның берері мол. Воскобоева да кезінде Штеффи Граффтың өзінен шеберлік сабағын алғанын еске салды. Сондықтан танымал спортшылардың білгенін ортаға салғаны – жас теннисшілер үшін үлкен сабақ. Галина қазір жарақатына байланысты халықаралық жарыстардан шет қалды. Қазақстандық теннисші жылдың аяғында кортқа шығуды жоспарлап отыр.

«Ең бастысы, 2016-шы Жылғы Олимпиада ойындарына жолдама алу», – дейді спортшы.