Виктор Кумыков: «Хорватиялық команданың деңгейі жоғары»

Қарағандылық «Шахтер» Хорватияның «Хайдук» командасымен кездесуге де тыңғылықты дайындалды, деп мәлімдейді Kazakh tv арнасы.

Команданың бабы жақсы, тек жарақаты бар шабуылшы Тоқтар Жаңғылышбай ойынға қатыса алмайды. Өткен ойындағы ескертуіне байланысты қорғаушы Александр Симчевич те алаңға шықпайды.

«Хорват клубы алдыңғы қарсыластарға қарағанда мықты ұжым, футболшыларының деңгейі де жоғары. Біз оларды тек, дұрыс тактика мен жақсы физикалық дайындықпен ғана жеңе аламыз», -  дейді кеншілердің бапкері Виктор Кумыков.