«Шахтер» «Хайдукке» қарсы кездесуге дайындығын жалғастыруда

31 шілдеде Қарағандыда УЕФА Еуропа лигасының үшінші іріктеу кезеңінде «Шахтер» мен Хорватияның алты дүркін чемпионы, атақты «Хайдук» (Сплит) алғашқы матчтарын өткізеді.

Қазір кеншілер астанасында осы кездесуге үлкен дайындық жүріп, билеттер сатылып жатыр. «Кеншілер» Еуропа лигасында «Ширак» (Гюмри) пен «Атлантасты» (Клайпеда) артта қалдырған соң Хорватиядан келетін футболшыларға қарсы матчтың қызығы одан сайын көбейді. Енді Қарағандыдағы 19 000 адам сыятын негізгі орталық аренада аншлаг күтілуде. «РRОСПОРТ»  тілшісі 7 тамызда өтетін Хорватиядағы жауапты матчқа «Шахтердің» бапкерлері мен футболшылары ойынға екі бұрын чартерлік рейспен баратынын анықтады.