Леброн ойын нөмірін анықтады

«Кливленд Кавальерс» шабуылшысы 23-ші нөмірлі жейдені таңдады, деп хабарлайды Спорт-экспресс.

Осы жазда «Майами Хиттен» «Кливлендке» ауысқан Леброн Джеймс Огайо штатының клубында 23-ші нөмірмен ойнауды жөн көрді. Форвард ұзақ уақыт бойы 6 мен 23-ші нөмірдің бірін таңдай алмай жүрген еді.

Естеріңізге сала кетсек, Джеймс 2003-тен 2010 жылға дейін «Кавальерс» сапында 23-нөмірмен ойнаса, «Майамиде» 6-шы нөмір болатын.