Пабло Андухар Гштаадтағы турнирде топ жарды
Испаниялық теннисші Пабло Андухар Хуан Монаконы тізе бүктірді.
АТР рейтингінде 71-орында тұрған 28 жастағы Пабло Андухар Гштаадтағы турнирдің шешуші матчында аргентиналық Хуан Монаконы екі сетте жеңді. Бір сағат, 33 минутқа созылған матч 6:3, 7:5 есебімен аяқталды. Бұл қос теннисші арасындағы алғашқы ресми ойын болатын.
Андухар осы маусымдағы алғашқы, мәнсабындағы үшінші титулына қол жеткізді.