Марат Хайруллин: «Мақсатымыз жартылай орындалды деп есептемеуіміз қажет»
![Марат Хайруллин: «Мақсатымыз жартылай орындалды деп есептемеуіміз қажет»](https://prosports.kz/upload/news/content/file_1406024346_644239051.jpg?v=28695681)
«Ақтөбенің» жартылай қорғаушысы Марат Хайруллин Чемпиондар лигасының екінші іріктеу кезеңіндегі қарымта матч алдында тбилисилік «Динамоға» қарсы жекпе-жектің тағдыры шешілмегенін айтты.
«Мақсатымыз жартылай орындалды деп есептемеуіміз қажет, бұл үлкен қате болуы мүмкін. Алаңға бірінші матч болмағандай шығу керек. Грузиндерден кез-келген нәрсені күтуге болады, шабуылда мықты. Сондықтан ең батыл қарсылыққа дайын болуымыз қажет. «Динамо» ойыншыларына жоғалтар түк жоқ, олар 100% барын салады», - деді футболшы uefa.com сайтына.
Естеріңізге сала кетсек, 16 шілдеде Тбилисиде болған алғашқы ойында ақтөбеліктер 1:0 есебімен жеңіске жетті.