Меркель «Грассхоперқа» ауысты

Қазақстанда туылған Александр Меркель «Грассхоперскеге» жалға берілді, деп хабарлайды sovsport.ru.

«Грассхоперскеге ауысуыма Микаэль Скиббе түрткі болды, ол маған бұл клуб жан жақты дамуыма мүмкіндік береді деп көндірді. Өзімді көрсетуге жаңа мүмкіндік туғанына қуаныштымын. «Уотфордта» жақсы уақыт өткіздім, жанкүйерлерге деген алғысым шексіз. Бәріне рақмет», — деп жазды Меркель өзінің Facebook-тегі парақшасында.

Өткен маусымда Меркель англиялық «Уотфорд» сапында 11 ойынға қатысып 1 гол соқты және де италиялық «Удинезе», «Милан» мен «Дженоа» сияқты бірқатар клубтарда ойнаған.